Archives

હાલમાં ગ્લોબલ લિટરેચર એન્ડ કલ્ચરલ ક્લબ (જીએલસીસી) અને ગિવ વાચા ફાઉન્ડેશનના સંયુક્ત ઉપક્રમે અંજારના ગૂંજે ગીતા કેન્દ્ર ખાતે બાળકોમાં ભગવાન રામ જેવા ગુણોનું સિંચન કરતી ‘ચલો રામ બને’ કાર્યશાળાના પ્રથમ ચરણ સાથે પર્વ ફ્યુઝન બેન્ડ ની ગુજરાત યાત્રાનો થયો પ્રારંભ. જેમાં ૫૦ થી પણ વધુ બાળકોએ ભાગ લીધો.

ગાંધીનગર ખાતે યોજાયેલ ‘અતુલ્ય વારસો આઇડેન્ટીટી એવોર્ડ ૨૦૨૪’ માં કલા અને સાહિત્ય થકી સંસ્કૃતિનું સંવર્ધન કરી રહેલા કચ્છના નામી કલાકારો ડૉ. કૃપેશ ઠક્કર અને તેમના સંતાનો વાચા ઠક્કર અને પર્વ ઠક્કરને આ રાજ્ય કક્ષાના પુરસ્કારથી સન્માનિત કરવામાં આવ્યા.

કચ્છની ઝળહળતી બાળ લેખિકા વાચા ઠક્કર ના ભારતીય સંસ્કૃતિ પર આધારિત પુસ્તક ‘સનાતન વર્ડ સર્ચ’ ને તેના ચાહકો તેમજ શાળાઓ અને વિદ્યાર્થી વર્ગનો બહોળો પ્રતિસાદ મળતાં ગુજરાતની જાણીતી સંસ્થાઓ કર્મા ફાઉન્ડેશન અને ગુજરાતી બુક ક્લબ એ અમદાવાદ ખાતે યોજાયેલ ‘પ્રથમ પુસ્તક સન્માન સમારોહ’ માટે સાહિત્ય અને કલા થકી બાળકોને પ્રેરણા આપતી વાચા ઠક્કર ને વિશેષ આમંત્રણ આપ્યું હતું. જેમાં આમંત્રિત મહાનુભાવો મિતલબેન પટેલ, દક્ષાબેન પટેલ અને રાધાબેન મહેતા સાથે સંસ્થાના અગ્રણી શ્રી સ્નેહલભાઈ પટેલ એ પુરસ્કાર અને પ્રમાણપત્ર આપી કચ્છની દીકરી વાચાનું સન્માન કર્યું.

અંજાર-કચ્છના ડૉ. કૃપેશ ઠક્કર અને બાળ કલાકારો વાચા ઠક્કર અને પર્વ ઠક્કર એ માતૃભૂમિ માટે કુરબાન થયેલા શહીદ ભગતસિંહ, રાજગુરુ અને સુખદેવ ને સ્વરાંજલી આપતા ‘હૈ નમન, શહીદો કો સલામ’ ગીતનું નિર્માણ કર્યું. જે ગિવ વાચા ફાઉન્ડેશનના હેરિટેજ પર્વ અંતર્ગત કૃપ મ્યુઝિક દ્વારા વૈશ્વિક સ્તરે લોન્ચ થયું.

હાલમાં જ્યારે વિવિધ સંસ્થાઓ દ્વારા સમાજમાં આગવું સ્થાન ધરાવતા વ્યક્તિઓને વિશેષ સન્માન અર્પિત કરી પ્રેરણા અપાઈ રહી છે ત્યારે મહાશિવરાત્રિના પાવન પ્રસંગે કચ્છના ઓમકારધામ ધ્યાનતીર્થ ખાતે કચ્છી અને ગુજરાતી સંગીત અને સાહિત્યને વિશ્વ સ્તરે ઉજાગર કરનાર ગીતકાર, સંગીતકાર અને લેખક ડૉ. કૃપેશ ઠક્કરને ગુરુમૈયા શ્રી હરેશ્વરીદેવીજીને હસ્તે ‘સંગીત સાહિત્ય રત્ન ઍવોર્ડ’ એનાયત થયો.

હાલમાં મહિલા દિવસ નિમિતે સમાજમાં પ્રેરણા સ્તોત્ર બની રહેલ નારી રત્નોનું વિવિધ સંસ્થાઓ દ્વારા સન્માન થયું ત્યારે સંગીત, કલા, સાહિત્ય અને સમાજસેવા થકી વિશ્વભરમાં કચ્છનું નામ રોશન કરનારી બાર વર્ષીય ગાયિકા, અભિનેત્રી, લેખિકા, કવિયત્રી અને સમાજસેવિકા વાચા ઠકકરને નામાંકિત સંસ્થાઓ ઓમકારધામ ધ્યાનતીર્થ દ્વારા ગુરુમૈયા ડૉ. હરેશ્વરીદેવીજી ને હસ્તે ‘બાલ સરસ્વતી ઍવોર્ડ’ તથા ઓલ ઈન્ડિયા મલયાલી અસોશીએશનના વરિષ્ઠ ઉપપ્રમુખ શ્રી મોહન નાયર અને મહિલા અગ્રણી શ્રીમતી તુલસી સુજાન ના હસ્તે ‘બાલ શિરોમણી ઍવોર્ડ’ એનાયત કરવામાં આવ્યું.

સમાજમાં નારીઓના સર્વાંગી વિકાસ અને ઉન્નતિ માટે સમર્પિત તથા શિક્ષણ, સાહિત્ય, સંગીત અને સંસ્કૃતિના સંવર્ધન માટે મહિલાઓના નેતૃત્વ હેઠળ સતત કાર્યરત એવી કચ્છની નામાંકિત સંસ્થાઓ ‘ગૂંજે ગીતા કેન્દ્ર’, ‘કાવ્ય નિર્ઝરી’,’વાર્તા વિહાર’ અને ‘માતૃછાયા કન્યા વિદ્યા મંદિર’ ને ગિવ વાચા ફાઉન્ડેશન અને કૃપ મ્યુઝિક તરફથી મહિલા દિન નિમિતે ‘ગિવ વાચા ઍવોર્ડ ૨૦૨૪’ અંતર્ગત ‘વુમન્સ પર્વ પુરસ્કાર’ એનાયત કરવામાં આવ્યું.

ગુજરાત સાહિત્ય અકાદમી અંતર્ગત કચ્છી ભાષાના ઉત્થાન માટે સદા કાર્યરત એવી ‘કચ્છી સાહિત્ય અકાદમી’ અને સંસ્કૃતિનું સંવર્ધન કરવા દસ વર્ષથી સક્રિય સંસ્થા ગિવ વાચા ફાઉન્ડેશનના સંયુક્ત ઉપક્રમે ‘કચ્છી યુવા કવિ સંમેલન’ નું ભુજના ટેન- ઇલેવન લોન્જ ખાતે આયોજન થયું. મહિલા દિવસ નિમિતે યોજાયેલા આ અવસરે સંયોજક ડૉ કૃપેશ નયના શશીકાંત એ અકાદમીના પ્રમુખ શ્રી ભાગ્યેશભાઈ જ્હા અને મહામાત્ર ડૉ. જયેન્દ્રસિંહ જાદવ પ્રત્યે આભાર વ્યક્ત કરીને શબ્દ વંદના સાથે કાર્યક્રમની શરૂઆત કરી. તો ગિવ વાચાના ટ્રસ્ટી શ્રીમતી નયનાબેન ઠક્કર એ ઉપસ્થિત સૌ મહેમાનો અને શ્રોતાઓને કચ્છી ભાષાને વધાવવા શુભકામનાઓ પાઠવી હતી.

વૈશ્વિક સાહિત્ય પર્વ રૂપે જ્યારે કૃપ લીટરેચર ફેસ્ટિવલ કચ્છના શહેરોમાં ઉજવાઇ રહ્યું છે, ત્યારે હાલમાં ગિવ વાચા સેન્ટર અંજાર ખાતે આ પર્વ અંતર્ગત ‘ગુજરાત ચિલ્ડ્રન્સ લીટરેચર ફેસ્ટિવલ’નું ભવ્ય આયોજન થયું. જેમાં વિવિધ શાળાઓના આચાર્યો અને સંસ્થાઓના અગ્રણીઓ હાજર રહ્યા. આ ઉત્સવમાં બસો થી પણ વધુ બાળકો વાલીઓ સહિત જોડાયા અને ‘શબ્દવંદના’ સાથે સાત ભાષાઓની ગાયન, વાદન અને નૃત્યના મધ્યમથી વંદના કરી.

અંજારની સંસ્થા ગિવ વાચા ફાઉન્ડેશન અને કૃપ મ્યુઝિકના અગ્રણીઓ, સ્વયંસેવકો, સાહિત્યકારો અને બાળકો માવતરો સાથે ‘વેલેન્ટાઇન્સ પર્વ’ની દસમી વર્ષગાંઠ ઉજવવા માધાપર ખાતે શ્રી હરિ શાંતિનિકેતન વૃદ્ધાશ્રમમાં પહોંચ્યા. દસ વર્ષ પહેલાં અમેરિકાથી પરત થયેલા રિસર્ચ સાયન્ટિસ્ટ ડૉ. કૃપેશ ઠક્કર એ વર્ષ ૨૦૧૪માં સૌ પ્રથમ આ પાશ્ચાત્ય દિવસને ‘વસુધૈવ કુટુંબકમ’ ના ભાવ સાથે વૃદ્ધાશ્રમ અને અનાથાશ્રમમાં ૭ થી ૧૪ ફેબ્રુઆરી દરમિયાન ‘વેલેન્ટાઇન્સ પર્વ’ રૂપે ઉજવી યુવાવર્ગને સનાતન સંસ્કૃતિ તરફ વળવાની પહેલ કરી હતી. જેમાં તેમણે ‘ક્યાં છે કાનો’ આલ્બમ લોન્ચ કરી સીતા-રામ અને રાધા-શ્યામને પ્રેમના આદર્શ પ્રતિક ગણાવ્યા હતાં.

હાલમાં ગિવ વાચા ફાઉન્ડેશન અને કૃપ મ્યુઝિક દ્વારા આયોજિત કૃપ લિટરેચર ફેસ્ટિવલનું ભુજ ખાતે શુભારંભ થયું. આ ફેસ્ટીવલ 3જી ફેબ્રુઆરી થી 14 ફેબ્રુઆરી સુધી ઉજવાશે. ‘સંગચ્છધ્વં’ ના ભાવ સાથે બાર દિવસ સુધી ચાલનારા અને સાત ભાષાઓ સાથે લોકલ અને ડિજિટલ માધ્યમ થકી યોજાઇ રહેલા આ સાહિત્ય પર્વ એ વિશ્વના સૌથી લાંબા લિટરેચર ફેસ્ટિવલ હોવાનું વિક્રમ સર્જ્યુ છે, જેમાં બૉલીવુડ અને ગુજરાતી મ્યુઝિક તેમજ ફિલ્મ જગતના કલાકારો પણ જોડાયેલા છે.

ચાલો વાત કરીએ એક પ્રશ્નથી ઉદ્ભવતી યાત્રાની કથા વર્ણવતી પ્રથમ કચ્છી બેસ્ટ સેલર બુક ‘અર્જુન ઉવાચ: અધ્યાત્મિક જાત્રા’ વિષે કે જેમાં એક નવ વર્ષની બાળકી વાચાના માનમાં પ્રશ્ન અવતરે છે અને એ પૂછે છે કે “પપ્પા, કિડા આયં કાનો?” ત્યારે તેના પિતા, લેખક ડૉ. કૃપેશ ઠક્કરને એ પ્રશ્ન તેના ભૂતકાળની યાત્રા એ લઈ જાય છે; જ્યારે એણે પણ પોતાના રહસ્યમયી મિત્ર અર્જુન ને પૂછ્યું “ચોને અર્જુન, કિડા આયં કૃષ્ણ?” અને પ્રશ્ન સાથે જ શરૂ થઈ એક એવી અધ્યાત્મિક યાત્રા કે જે ભક્તિ અને જ્ઞાનનાં સોપાનો સર કરતાં કરતાં, સ્વયં જ્ઞાનરૂપીણી શ્રીમદ ભગવદ ગીતાના દિશા નિર્દેશન થી ડૉક્ટરને લઈ જાય છે તે પ્રશ્નના ઉત્તર સુધી. વિસ્મય તો ત્યારે થાય જ્યારે એ જ યાત્રા પર પુત્રી એ નાના નાના પગલાં માંડ્યા હોય! ત્યારે જ તો યોગ્યતા, પાત્રતા અને બૌદ્ધિકતાના આધાર પર એક બાળક સમજી શકે એમ સંપૂર્ણ યાત્રાનું નવીન સ્વરૂપ અને યુવા વિચારધારા સાથે રૂપાંતર થાય છે. જેમાં ચાલતાં ચાલતાં અંતે ત્રણે પ્રવાસીઓ ડૉક્ટર, વાચા અને અર્જુન, એ ‘અહં બ્રહ્મસ્મી’ ના ઉત્તર સુધી પહોંચે છે.

હાલમાં ગિવ વાચા ફાઉન્ડેશન, અને કૃપ મ્યુઝીક જયારે ૧ થી ૮ માર્ચ સુધી ‘વુમન્સ પર્વ 23’ નું આયોજન કરી રહ્યું છે ત્યારે આદિપુર ખાતે તોલાની આર્ટસ એન્ડ સાયન્સ કોલેજના સહિયારા પ્રયાસથી ઇન્ટરનેશનલ  વુમન્સ ડે નું સુંદર કાર્યક્રમ કરવામાં આવ્યું,. જેમાં ‘નારી હૈ નારાયણી’ પુસ્તકનું વિમોચન, ‘કૃપ ટોક્સ’, ‘બાતે અનકહી વિથ ડૉ. કૃપેશ’ તથા ‘યત્ર નાર્યસ્તુ પુજ્યન્તે’ ગીતના લોકાર્પણનું આયોજન કર્યું હતું.

કચ્છ અને ગુજરાતનું ગૌરવ એવી યંગ સિંગર દસ વર્ષીય વાચા ઠક્કરે JioSaavn ના Bollywood Decade 2010s માં છેલ્લા દાયકાના  20 સુપરહિટ સોંગ ની લીસ્ટ માં મેળવ્યું છે પ્રથમ સ્થાન.

હાલમાં જ મહાશિવરાત્રી ના રોજ અંજાર સ્થિત ‘ગિવ વાચા ફાઉન્ડેશન’ દ્વારા મહાશિવરાત્રી પર્વ ની ઉજવણી કરવામાં આવી; જેમાં ભદ્રેશ્વર ચોખંડા મહાદેવ મંદિર ખાતે આમંત્રિત મહાનુભાવોના હસ્તે પર્વ ફ્યુઝન બેન્ડના ‘ઓમ નમઃ શિવાય- ડીજે મિક્ષ’ ભક્તિ ગીતનું લોકાર્પણ થયું.