Bansari Naad

ઘરે ઘરે આપણી ભારતીય સંસ્કૃતિને વાચા આપતું સુંદર પર્વ એટલે Give Vacha Foundation અને Krup Music દ્વારા આયોજિત  “ગીતા જયંતિ પર્વ ૨૦૨૨” નો કાર્યક્રમ ખુબજ લોક કલ્યાણકારી છે. ગુજરાતના તેમજ ભારતના અનેક ઉમદા કવિઓ દ્વારા તેમના દ્વારા લિખિત ગીતાજીનો અને કૃષ્ણનો મહિમા આ પુસ્તકમાં સંકલિત કરવામાં આવ્યો છે. કૃષ્ણની મહિમાને ઉમદા સાહિત્યકારોની કલમ વડે ભક્તિમય બનાવતું આ પુસ્તક પણ લોક કલ્યાણની દિશામાં અનેક સાધકોને પથદર્શક બનશે.
– પૂજા ઉપેન્દ્રકુમાર ગઢવી (મંથના)

ગીવ વાચા ફાઉન્ડેશન અને કૃપ મ્યુઝિકના સથવારે ડૉ. શ્રી કૃપેશભાઈ ઠક્કરને જાણે ભગવાન શ્રીકૃષ્ણએ આજ્ઞા કરી હોય તેવું લાગે છે નહીંતર આવું સુંદર સંપાદન કંઈ રમત વાત નથી ગુજરાતના ઉમદા સર્જકો પાસે કૃષ્ણ ગીતના વિષય સાથે પહેલ નાખવી અને દરેક સર્જક પોતાના સાહિત્ય ભાષામાંથી પોતાની મનપસંદ કૃષ્ણરૂપે કવિતા સંપાદક શ્રી ને અર્પણ કરી પુણ્યના કાર્યમાં સહયોગી થયાનો મનથી સંતોષ માને એ જ તો આ માનવ જગતની સાચી સેવા અને સાધના છે.
– ગૌતમ જોશી

ભારતીય સંસ્કૃતિના પૂર્ણ પુરુષોત્તમ શ્રી કૃષ્ણનાં બહુ આયામી વ્યક્તિત્વ વિશે ગ્રંથો લખવા પણ ટૂંકા પડે ત્યારે મહાયજ્ઞમાં આહુતિ સમાન એક જ વ્યક્તિ વિરાટ પુરુષની કળાઓ વિશે કચ્છી,ગુજરાતી તેમજ હિન્દી ભાષામાં કૃતિઓનો અદ્ભૂત સંગ્રહ પ્રગટ થઈ રહ્યો છે એને મારાં અંત: કરણ પૂર્વક શુભેચ્છાઓ પાઠવું છું.
– ડૉ. રમેશભટ્ટ (રશ્મિ)